ஜெ.ஜெ

Tuesday, December 6, 2016  at 10:53 AM;
தீவிரமான திமுக அனுதாபியாக இருந்தாலும், திரு செல்வி. ஜெ.ஜெயலலிதா மீது எப்பொழுதும் மரியாதையும், அன்பும் உண்டு. தனித்து விடப்பட்டபோதும் கால ஓட்டத்தில் காணாமல் போகாமல், தனக்கான ஒரு அங்கீகாரத்தை உருவாக்கிகொண்ட உண்மையான இரும்புபெண்மனி. இவரைபோல் இனி ஒரு பெண் இனி தமிழ்நாட்டை ஆள்வார் என்பது சாத்தியமே இல்லை.

ஜெ.ஜெ வில் தொடங்கி ஜெ.ஜெ வில் முடிகிறது, ஒரு பெண்ணிணத்தின் நம்பிக்கை.

சென்னை உணவகங்கள் - பகுதி 1

Saturday, December 3, 2016  at 11:49 PM;
சில வருடங்களுக்கு முன்பு சூளைமேட்டில் அமைந்துள்ள ஒரு fastfood நிறுவனத்திற்கு நண்பர் ஒருவர் அழைத்துபோனார். அந்த பாஸ்ட்புட் கடை ஓனர் எனது நண்பருக்கு நீண்டகாலமாக தெரியும் என்பதால் வாசலுக்கே வந்து அழைத்தவர் உள்ளே உட்காருவதற்கு டேபிளையும் அடையாளம் காட்டி அமரவைத்தார். என்னடா இது வரவேற்பு தடபுடலாக இருக்கிறதே என்று வியந்துதான் போனேன். நண்பர் பெருமையாக இதை சொல்லிகொண்டார்.


என்ன ஆர்டர் வேண்டும் என்று கேட்ட முதலாளியிடம், முதலில் சிக்கன் சூப் வேண்டும் என்று சொல்லி காத்திருந்தோம். சிக்கன் சூப் ரெடி என்று சுடசுட சர்வர் எங்களுக்கு பரிமாறினார். நன்றாக கலக்கி ஒரு ஸ்பூன் எடுத்து குடித்தவுடன் எனது மூளைக்கு ஏதோ உறைத்தது. இது நார்மலான சிக்கன் சூப் இல்லையே ஏதோ தவறு நடந்திருக்கிறது என்று பொறிதட்டியது. உடனே எனது நண்பரை அண்ணாந்து பார்த்தேன். அவருக்கும் ஏதோ வித்தியாசம் தெரிந்திருக்கிறது போல, அவரும் என்னை பார்த்தார். சார், சூப் ஏதோ டிப்ரண்டா இருக்கே என்றேன்..அவரும் ஆமாம்பா ஏதோ வித்தியாசமாகத்தான் இருக்கிறது என்றார். சார், சிக்கன், மட்டன் டேஸ்ட் எப்படி இருக்கும் என்று எனக்கு நன்றாக தெரியும், வாரத்திற்கு இரண்டு நாட்கள் சாப்பிடும் ஆள் நான் அதனால் நான் உறுதியாக சொல்கிறேன் இது கெட்டுபோன சிக்கன்தான். ஆமாம்பா நானும் அப்படிதான் நினைக்கிறேன் என்றவர். இப்பொழுது என்ன செய்யலாம் என்றார்.


நாங்கள் இருவரும் சன்ன குரலில் பேசுவதை தொலைவில் இருந்து பார்த்துகொண்டிருந்த முதலாளி அதாவது நண்பரின் நண்பர், என்ன சார் ஏதாவது பிரச்சனையா என்றார். அது ஒன்னுமில்லைங்க சிக்கன் கொஞ்சம் டேஸ்ட் டிப்ரண்டாக இருக்கே என பேசிக்கொண்டிருந்தோம் என்றார். அப்படியா சார், அதுக்கு ஏன் தயக்கம், ஏன்கிட்ட சொல்லி இருகலாமில்ல என்றவர், வேற சிக்கன் சூப் சொல்றேன் என்று கடை ஊழியரிடம் வேறு சூப் கொண்டுவர சொன்னார்.


அடுத்த சூப் வந்தது. இம்முறை எச்சரிக்கை உணர்வுடன் ஸ்பூனை வாயின் அருகே கொண்டு சென்றபோது, மூக்கு அதனுடைய வேலையை செய்தது, ஆம், வாசம் நுகர்ந்தேன். ஆகா என்ன அருமையான வாசனை மூக்கை துளைக்கிறதே என்று மெல்ல குடித்தேன். அருமையப்பா அருமை. இதுவல்லவோ சூப் என்று நண்பரை அண்ணாந்து பார்தேன். அவருடைய முகத்தில் மெல்லிய சிரிப்பு.


நண்பரின் நண்பர் ஒரு ஹோட்டலின் முதலாளி அவர் தன்னுடைய நண்பருக்கே கெட்டுபோன சிக்கன் சூப் கொடுக்கிறார் என்றால் சாமானியன் நிலை என்ன என்று நினைத்தேன். ஹா, சென்னை உணவகங்கள் பற்றிய என்னுடைய அனுமானத்தில் ஒரு பெரும் கரும்புள்ளி விழுந்த தினம் அது. பச்சை மரத்தில் அடிக்கப்பட்ட ஆணிபோல் அது இன்றும் உணவகங்களை சந்தேகிக்கிறது. உணவகங்களின் நிலையை zomoto வில் ஆராய்கிறது. சிக்கன் ப்ரை ரைஸ் கேட்டால் சிக்கனை தவிர்த்து அதனுடைய தோலை கள்ளமாவு தடவி கறிபோல் ஆக்கி முன்கூட்டியே ப்ரை செய்து, ரைஸில் கலக்கி கொடுக்கும் கடைகளை சந்தேகிக்கிறது.


ஓகே. இதற்கு ஏன் இந்த பில்டப்பு இது நார்மலாக நடக்கும் விஷயம்தானே நீங்கள் கடந்து போவதை போல்தான் நானும் கடந்துபோனேன். ஆனால் அன்று ஆரம்பித்த விஷயம் இன்றுவரை தொடர்கிறதே என நினைக்கும்போது, சென்னை உணவகங்கள் தங்களை ஒரு முறை சுயபரிசோதனை செய்யவேண்டிய நேரம் இது என்று எண்ணதோன்றியது. இலைமறை காயாக இருந்த விஷயங்கள் இன்று அப்பட்டமாக நடக்கும்போது நெஞ்சு பொறுக்கதில்லையே. அதனால்தான் இந்த கட்டுரை எழுதலாம் என்று முன்வந்தேன். இதன் கட்டுரையின் முதல் பகுதி இது. ஒரு முன்னோட்டம் என்று கூட இதை நீங்கள் நினைத்து கொள்ளுங்கள். அடுத்த பகுதியில் கொஞ்சம் விலாவாரியாக அலசுவோம்.

திரு. மணிரத்தினம் அவர்களுக்கு...

Thursday, April 21, 2016  at 9:04 PM;

திமுக, காங்கிரஸ் கூட்டணி சார்பாக காட்டுமன்னார்கோயில் தொகுதியில் போட்டியிடும் திரு. K.I. மணிரத்தினம் அவர்கள் படித்தவர், பண்பாளர், உழைப்பால் உயர்ந்தவர். அனுக்கிரகா constructions மூலம் பொருளீட்டி,  தான் உண்டு தன் வேலை உண்டு என்று இருந்திருக்கலாம் ஆனால் அவர் அந்த குறுகிய வட்டத்தில் இருந்து வெளிவந்து காட்டுமன்னார்கோயில் மக்களுக்கு பல உதவிகளை தன் சொந்த பணத்தில் செய்து வருகிறார். இது ஏதோ இன்றோ, நேற்றோ செய்து வருவது அல்ல பல ஆண்டுகளாக இதை தொடர்ந்து செய்து வருகிறார்.

காட்டுமன்னார்கோயிலுக்கு என்ன தேவை என்பது இங்கு பிறந்து வளர்ந்த ஒருவரால் மட்டுமே புரிந்து கொள்ளமுடியும். அத்தோடு தன் ஈட்டிய செல்வத்திலே ஒரு பங்கை ஏழைகளுக்கு செலவழிக்க முன்வருபவர், ஒரு அரசின் அங்கீகாரம் கிடைத்தால் இன்னும் நல்லது செய்வார் என்பது தின்னம்.

திரு.மணிரத்தினம் அவர்களிடம் நான் பேசியது கிடையாது, அதனால் அவரின் தேர்தல் வாக்குறுதிகளை கேட்க விரும்புகிறேன். இந்த 5 வருடம் அவருக்கான உறுதியான வாய்ப்பு என்பது அவர் காட்டுமன்னார்கோயில் மக்களுக்கு கொடுக்கும் வாக்குறுதிகளே!! இதோ அவரின் Facebook பக்கம் https://www.facebook.com/Dr-kIManirathinam-779206098862707/ இதன்மூலம் அவர் தான் கொடுக்கவிரும்பும் வாக்குறுதிகளை பதிவுசெய்தால், நான் இங்கு அதை பிரசுரம் செய்ய தயார்.

ஒரு MLA வுக்கான அதிகாரம் என்ன என்பது எங்களுக்கு தெரியாது ஆனால் ஒரு MLA நினைத்தால் என்னவெல்லாம் செய்யலாம் என்பது எங்களுக்கு தெரியும். இதோ சில வருடங்களுக்கு முன்பு நாட் டிவிட் செய்ய சில கோரிக்கைகள்.




இன்னும் சில;

1. பாதாள சாக்கடை திட்டம் சாத்தியமா? பல்கி பெருகும் குடியிருப்புகள் மூலம் உருவாகும் சாக்கடையின் வடிகால் எது?. சாத்தியம் என்றால், அதை வடவாறு ஆற்றின் ஊடே கலக்காமல் கடலில் கலக்கக்கூடிய வகையில் திட்டங்கள் இருக்கின்றனவா?

2. காட்டுமன்னார்கோயிலின் முக்கிய சாலைகளை ஆக்கிரமித்து பாதசாரிகளுக்கு இடைஞ்சல்  கொடுக்கும் கடைகள் அகற்றப்படுமா?

3. வீராணம் ஏரியில் படகு குழாம் அமைத்து அதை சுற்றலா தளமாக ஆக்கும் திட்டம் உள்ளதா?

4. பேருந்து நிலையம் - வாழ்ந்து கெட்ட வீட்டின் சிதிலங்களை போல் உள்ள நம் பேருந்து நிலையம் மாற்றப்படுமா?

5. பேருந்து நிலையத்தில் கழிப்பறை வசதிகள் சொல்லக்கூடிய அளவில் இல்லை என்பது உண்மை. இவை சரிசெய்யப்படுமா?

6. பேருந்து நிலையத்தின் அருகில் உள்ள குளம் குப்பைகளின் கூடாரமாக இருக்கிறதே.. இதை சீர்செய்யமுடியுமா?

7. தனி ஒருவரின் குடும்பம் வாழ, அவர்கள் பொருள் ஈட்ட,  பன்றிகளை தெருவுக்கு தெரு உலாவ விட்டு வீட்டின் பின்புறத்தை பன்றிகளின் தொட்டிகளாக மாற்றி கொண்டிருப்பவர்களை அகற்ற முடியமா?

8. கிராமங்களில் இருந்து காட்டுமன்னார்கோயிலுக்கு வரும் பெண்மனிகள், குழந்தைகள் மற்றும் வயதானவர்கள்  இயற்கை உபாதைகளுக்குகூட ஒதுங்க இடம் இல்லை. மன்னையின் முக்கிய வீதிகளில் இலவச அல்லது கட்டண கழிப்பறைகள் கட்ட முடியமா?

9. தொழிற்சாலைகள் (கெமிக்கல் அல்ல) கொண்டுவந்து நம் ஊர் சுற்றவட்டார மக்களுக்கு வேலை வாய்ப்பு வழங்க திட்டம் உள்ளதா?

10. பேருராட்சி நகராட்சியாக உயர்வு பெறுமா?

11. காட்டுமன்னார்கோயில்-சிதம்பரம், காட்டுமன்னார்கோயில்-சேத்தியாதோப்பு என இங்கிருந்து போகும் சாலைகள் புதிதாய் போடமுடியமா?

12. இரவு நேரங்களில் அதிகமாக நிகழும் விபத்துகளை தவிர்க்க வெளிப்புற சாலைகளின் இரு மருங்கிலும் reflector பொருத்தப்படுமா?

பிரபல வலைபதிவர் வா.மணிகண்டன் அவர்கள் எந்த கட்சியையும் சாராதவராக இருந்தாலும் அவர் கோபிச்செட்டிபாளையம் வேட்பாளரிடம் பெற்ற வாக்குறுதிகள் என்னை கவர்ந்தது. அட இது நல்லா இருக்கே என வேட்பாளர் வாக்குறுதிகளை படித்த போது அது கிட்டதட்ட எல்லாதொகுதிகளுக்கும் பொருந்துவதாக இருந்தது. அதனால் அதிலிருந்து சில.. திரு. மணிரத்தினம் அவர்களுக்கு.

13. கழிவு நீர் சுத்திகரிப்பு நிலையங்கள் முறையாக அமைக்கப்பட்டு பராமரிக்கப்படுவதன் மூலமாக தொகுதியின் பிரச்சினை நீண்டகால நோக்கில் கட்டுப்படுத்தப்படும். இது சாத்தியமா?

14. தொகுதி மக்களின் பிரச்சினைகளை சட்டமன்றத்தில் முன்வைப்பதோடு நில்லாமல் குறைந்தபட்சமாக இரண்டு அல்லது மூன்று தீர்வுகளும் முன்வைக்கப்படும். இந்தத் தீர்வுகளும் பொதுமக்களின் ஆலோசனையோடு கண்டறியப்படும். இது முடியுமா?

15. இதுவரை அமைக்கப்படாத தொழில் வளாகம் (சிப்காட்) அமைக்கப்பட்டு உள்ளூரிலேயே வேலை வாய்ப்புகளைப் பெருக்குவதற்கான நடவடிக்கைகள் முழுவீச்சில் மேற்கொள்ளப்படும். தீர்வு காணப்படுமா?

16. நகரத்தில் போக்குவரத்து நெரிசலை சீர்படுத்தும் வகையில் மேம்பாலம் கட்டுவதற்கான பூர்வாங்கப் பணிகள் உடனடியாகத் தொடங்கப்படும். அதே போல, மக்களின் நீண்டகால கோரிக்கையான சுற்றுப்பாதை (ரிங் ரோடு) கொண்டுவருவதற்கான திட்டங்கள் மேற்கொள்ளப்படும். இதுபோல் சாத்தியமா?

17. புதிய பூங்காக்களும் குழந்தைகளுக்கான விளையாட்டுத் திடல்களும் அமைக்கப்படும். இது முடியமா?

18. தொகுதி முழுவதிலும் உள்ள ஆரம்ப சுகாதார நிலையங்கள் மிகச் சிறப்பான முறையில் தரம் உயர்த்தப்படுவதற்கான அனைத்து நடவடிக்கைகளும் சட்டமன்ற உறுப்பினரால் மேற்கொள்ளப்படும். இதை நீங்கள் செய்ய தயாரா?

19. அரசு மருத்துவமனையானது பெருநகர மருத்துவமனைகளுக்கு இணையாகத் தரம் உயர்த்தப்படுவதற்கான ஏற்பாடுகள் செய்யப்படும். நவீன உபகரணங்கள் வாங்குவதற்கும், உள்கட்டமைப்பு வசதிகளைப் பெருக்குவதற்கும் சட்டமன்ற உறுப்பினரின் நிதி முறையாகத் திட்டமிடப்பட்டுச் செலவு செய்யப்படும். இதை நிறைவேற்றுவீர்களா?

20. அரசுப் பொறியியல் கல்லூரி, அரசுக் கலைக்கல்லூரி மற்றும் அரசு பாலிடெக்னிக் ஆகியவற்றைக் கொண்டு வருவதற்காக சட்டமன்றத்தில் தொடர்ந்து குரல் எழுப்பட்டு முயற்சிகள் மேற்கொள்ளப்படும். உங்களால் முடியமா?

21. உள்ளூரிலேயே இளைஞர்கள் மற்றும் இளம்பெண்களுக்கென கணினி பயிற்சி மற்றும் தொழில்நுட்பப் பயிற்சிகளுக்கான பயிற்சி நிறுவனங்கள் தொடங்கப்படும். சாத்தியமா?

22. ஆதார் அட்டை, ரேஷன் கார்டு, வாக்காளர் அடையாள அட்டை உள்ளிட்டவற்றைப் பெறவும் அரசாங்கத்தின் உதவிகளைப் பெறுவதற்கான வேலைகளையும் சட்டமன்ற உறுப்பினரின் அலுவலகத்தில் நியமிக்கப்படும் ஊழியரே செய்து தருவார். ஊழியரின் பணி சட்டமன்ற உறுப்பினரால் நேரடியாகக் கண்காணிக்கப்படும். இது சாத்தியமா?

23. தொகுதியில் உள்ள அனைத்து ஒன்றியங்களிலும் சட்டமன்ற உறுப்பினர் அலுவலகம் திறக்கப்படும். வாரத்தில் ஒரு நாள் அலுவலகத்தில் சட்டமன்ற உறுப்பினரை மக்கள் சந்திக்கவும் மீதமுள்ள நாட்களில் காட்டுமன்னார்கோயிலில் உள்ள சட்டமன்ற உறுப்பினர் அலுவலகத்தில் எம்.எல்.ஏவைச் சந்தித்து மக்கள் தங்களது குறைகளைத் தெரியப்படுத்துவதற்கும் வசதிகள் உருவாக்கித் தரப்படும். நீங்கள் இந்த வாக்குறுதியை தர தயாரா?

24. கடுமையான வரட்சியை சந்திக்கும் ஊராட்சிகளின் நீர்த் தேவையைக் களையும்படியான நிரந்தர குடிநீர்த் திட்டம் தொகுதி முழுவதும் படிப்படியாகச் செயல்படுத்தப்படும். இது சாத்தியமா?

சில உடனடி திட்டங்கள் நகர மக்களுக்காக ;

25. காலை மாலை என இருநேரமும் குடிநீர் வினியோகம்.

26. அசுத்தமான இடங்களில் வாரத்தின் இருநாட்கள் பிளீச்சிங் பவுடரை தெளித்தல்

27. HDFC, ICICI, Axis, TMB, KVB என தனியார் வங்கிகள் காட்டுமன்னார்கோயிலில் சேவை தொடங்குவதற்கு வழிகாட்டுதல்.

28. SBI பாங்கின் கூட்ட நெரிசலை தவிர்க்க Tiny SBI கொண்டு வருவதற்க்கு முயற்ச்சித்தல்.

29. சென்ட் பேக்டரி என்பது காட்டுமன்னார்கோயில் மக்களின் நீண்ட நாள் கோரிக்கை.

30. படித்து வேலை இல்லாமல் இருக்கும் பட்டதாரிகளுக்கு வேலை வாய்ப்பு முகாம்கள் நடத்துதல்.

31. பட்டதாரிகள் மற்றும் சுயதொழில் புரிவோர்க்கு அவர்களின் entrepreneur கனவை நனவாக்க மிகக் குறைந்த வட்டியில் கடன் கிடைக்க முயற்சி.

32. லால்பேட்டை மற்றும் சுற்றியுள்ள இஸ்லாமிய மக்கள் அடிக்கடி வெளிநாட்டு பயணம் மேற்கொள்ள சென்னை வருவார்கள், அவர்களுக்கு உதவும் பொருட்டு காட்டுமன்னார்கோயில்-லால்பேட்டை-கொள்ளுமேடு-ஆயங்குடி ஆகிய பகுதிகளில் இருந்து சென்னைக்கு சொகுசு பேருந்து.

33. வாரம் ஒரு முறை லால்பேட்டை அருகில் கூடும் சந்தைக்கு கட்டிடம்.

இன்னும் வரும்...

இப்படை தோற்கின் எப்படை வெல்லும்!!

Saturday, March 26, 2016  at 2:27 PM;


நன்றி தமிழக அரசு, பசுமை விகடன்.

Thursday, October 30, 2014  at 7:42 PM;
பசுமை விகடன் படித்துக்கொண்டிருந்தபோது கொள்ளிடத்திலிருந்து கடலில் கலக்கும் காவிரி நீரை சேமிக்க கதவணைகளை கட்ட தமிழக அரசு திட்டம் தீட்டியுள்ளதாகவும்,  இந்த திட்டத்தால் காட்டுமன்னார்கோயில் விளைநிலங்கள் நல்ல பாசனம் பெறும் என்றும் இருந்தது. அட! நல்ல விஷயமாச்சே இதை எப்படி படிக்க தவறினோம் என்று கட்டுரையை மேலும் படிக்க நேர்ந்தபோது இந்த திட்டத்திற்காக நீண்ட நாட்களாக போராடி வந்த பொதுப்பணித்துரை பொறியாளர் நடராஜன், வினாயகமூர்த்தி, கண்ணன்பிள்ளை, இளங்கீரன் ஆகியோரது பங்கும் அதிகமானது என அறியமுடிகிறது.

இது ஒரு நல்ல விஷயம். இதை நான் மனமார வரவேற்கிறேன். இந்த தருணத்தில் தமிழக அரசுக்கும், பசுமை விகடனுக்கும், நடராஜன், வினாயகமூர்த்தி, கண்ணன்பிள்ளை, இளங்கீரன் ஆகியோருக்கும் என் மனமார்ந்த நன்றியை காட்டுமன்னார்கோயில் மக்கள் சார்பாக தெரிவித்துகொள்கிறேன்.

அந்த வார பசுமை விகடனில் வந்துள்ள செய்தியையும், அதற்கு முன்னர் வந்த செய்தியையும் அப்பொழுதே இங்கே பதிவிட்டு இருக்கலாம் ஆனால் அது விகடன் காப்பிரைட்ஸ்க்கு எதிரானது என்பதால் என்னால் இந்த செய்தியை பதிவிடமுடியவில்லை. அதன்பிறகு விகடனிடம் எழுத்துபூர்வமான அனுமதி வாங்கியபிறகே, இதை வெளியிடுகிறேன். நன்றி விகடன்



டாக்டர் சம்பத் - கண்ணீர் அஞ்சலி

Sunday, April 27, 2014  at 8:35 PM;
டாக்டர் சம்பத் - காட்டுமன்னார்கோயிலில் இந்த பெயரை உச்சரிக்காத ஆளே இல்லை எனலாம். அய்யங்கார் சமுதாயத்தில் பிறந்து MBBS மருத்துவ பட்டம் பெற்று தன் ஆயுள் முழுவதையும் எளிய ஏழை மக்களின் சேவைக்காக அர்பணித்த மாபெரும் மனிதர். தேர்தல் முடிந்த அடுத்த நாள் டாக்டர் அவர்கள் காலமானார் என்ற செய்தி காட்டுமன்னார்கோயிலையே உலுக்கிவிட்டது. 
எதிர்காலத்தில் என்னவாக வேண்டும் என்று மாணவர் பருவத்தில் கேட்கப்படும் கேள்விக்கு மருத்துவர் ஆக வேண்டும் என்ற பதில்கள் வருவது இவரை ரோல் மாடலாக நினைத்து கொண்டுதான். காய்ச்சலுக்கு கூட சென்னையிலிருந்து ஊருக்கு வந்து டாக்டர் அவர்களிடம் காட்டினால்தான் எனக்கு சரிப்பட்டு வரும். எங்கிருந்தாலும் மருத்துவம் ஒன்றுதான் ஆனால் நோய்களை diagnose செய்வதில்தான் சூட்சமமே உள்ளது. பெரிய லேப் வசதிகள் இல்லாவிட்டாலும் நோயின் தன்மை அதனுடைய வெளிப்பாடு கொண்டு அதை சரியாக ஜட்ஜ் செய்வதில் இவர் கில்லாடி. தன்னுடைய ஆயுளில் இவர் கைப்பட்டு சரியானவர்கள் லட்சோப லட்சம் பேர். ஈடுசெய்ய முடியாத இழப்பு என்பதை அவர் இறந்த அன்று அவர் வீட்டில் கூடி அழுத ஏழை எளிய மக்களின் வருகையே உணர்த்தியது. 
Family doctor என்று பெருமையாக சொல்லிகொள்வேன். கடைசியாக அவரை சந்தித்தபோது சென்னைக்கு வந்தால் மடிப்பாக்கத்திற்கு வருமாறு அழைப்பு விடுத்தேன். புன்னகையை பதிலாக தந்தார். என்னை எல்லாம் குழந்தையிலிருந்து பார்ப்பவர். உடம்பு சரியில்லை என்று சென்றால், சென்னையிலிருந்து எப்பொழுது வந்தாய் என்று நலம் விசாரிப்பார். அவருடைய உடலுக்கு மாலையை வைத்தபோது கண்கள் கலங்கியது. 
'நம்ம ஊர்காரங்க சென்னைக்கு போனாலும் உடம்பு சரியில்லைன்னா இங்கதான் வராங்க' என்று அவர் உதிர்த்த வார்த்தைகள் வெறும் வார்த்தைகள் அல்ல சத்தியமான உண்மை. 
ஒரு குடும்பத்தில் ஒருவர் இறந்து அவர் குடும்பம் அழுதால் அவர் நல்ல குடும்ப தலைவன். அவருக்காக உறவினர்களும் அக்கம் பக்கத்தினரும் அழுதால் அவர் நல்ல மனிதர். ஒரு ஊரே கண்ணீர் விட்டால் அவர் மாபெரும் மனிதர். 
நீங்கள் ஒரு மாபெரும் மனிதர். நீங்கள் மன்னை விட்டு நீங்கினாலும் மன்னை மாநகர மக்களின் மனதை விட்டு நீங்க மாட்டீர்கள்.

இனிய புத்தாண்டு நல்வாழ்த்துக்கள்

Tuesday, December 31, 2013  at 10:58 PM;
காட்டுமன்னார்கோயில் நண்பர்களுக்கும் என் அன்பு வாசகர்களுக்கும் தொடர்ந்து தளத்தை பார்வையிட்டு எனக்கு ஆதரவு அளித்துவரும் அனைவருக்கும் என் இனிய புத்தாண்டு நல்வாழ்த்துக்கள். 

ஆண்டிராய்டு ஒரு சகாப்தம்

Sunday, March 17, 2013  at 7:08 PM;
ஆண்டிராய்டு - கடந்த 4 வருடங்களுக்கு முன் வந்த முதல் போனில் இருந்து இன்று வரை இதன் வளர்ச்சியை பார்த்து கொண்டிருக்கிறேன். தற்சமயம் இது ஜெல்லிபீனில் நிற்கிறது. இந்த OS ஐ பயன்படுத்தும் சாதனங்கள் பல கோடி பேர்களால் விரும்பப்படுகிறது. பல புதிய முயற்சிகளை இது தொடங்கியிருக்கிறது. இந்த சகாப்தம் எல்லையில்லா வானம் போல் பல புதுமைகளை தொழில்துறையில் புகுத்திருக்கிறது. லட்சக்கணக்கான அப்ளிகேஷன்கள் உருவாக்கப்பட்டு சந்தைபடுத்தப்படும் ஒரு இயங்குதளம் அதனுடைய தொலைநோக்கு திட்டத்தில் வெற்றி பெற்றிருக்கிறதா? ஆம் என்றே சொல்லவேண்டும். 
அமெரிக்க ஆளுமை கொண்ட ஒரு கம்பெனி சிறிய மற்றும் கையடக்க சாதனங்களுக்கான இயங்குதளத்தின் மீது இருந்த மாயவலையை அறுத்திருக்கிறது. செல்போன் ஸ்மார்ட்போன் ஆன கதையில் தொடங்கிய தேடல் இப்பொழுது லேப்டாப் சாதனங்களையே குழி தோண்டிண்டிருக்கிறது என எண்ணும்போது, இதுவும் சாத்தியமோ? என நினைக்க தோன்றுகிறது. MS DOS கண்டிபிடிக்கப்பட்ட நாட்களில் நான் பிறந்திருக்கவில்லை ஆனாலும் கல்லூரியின் தொடக்க காலங்களில் கற்றிருக்கிறேன். அது வரையில் அது நீடித்தது Google தோன்றாதது ஒரு காரணமாக இருக்கலாம். கண்டுபிடிப்பை எல்லாம் காசாக்கும் குறுகிய நோக்கம் அன்றைய கார்ப்பரேட்டுகளின் எண்ணமாக இருந்து வந்தது. அதனால் அதை பயன்படுத்தும் பெரிய கம்பெனிகளை தாண்டி அது சாமானியர்களை சேரவில்லை. இன்றும் அது தொடர்கிறது, ஆனால் இப்பொழுது வேறு வடிவில்.

சாப்ட்வேர் மீது தீராத காதல் உள்ளவர்கள் தங்களுக்கான ஹார்டுவேரை தாங்களே தயாரித்து கொள்ளவேண்டும் - இது ஆலன் கே சொன்னது. இதைதான் ஸ்டீவ் ஜாப்ஸ் தன்னுடைய iPhone வெளியீட்டு விழாவில் நினைவு கூர்ந்தார். அவர் சாப்ட்வேர் மீது தீராத காதல் கொண்டவர், தன்னுடைய ஆப்ரேட்டிங் சிஸ்டத்துக்கு ஹார்டுவேரையும் அவரே தயாரித்தார். கிளிக் வீலில் தொடங்கி டச் கெஸ்சர் வரை அவர் கண்டுபிடித்த ஹார்டுவேர் இன்டர்பேஸ் அனைத்தும் கோடிகளை வாரி வழங்கியது. உயர்குடி மக்களின் அந்தஸ்தாகி போனது அவருடைய கம்பெனியின் தயாரிப்புகள் அனைத்தும். விண்டோஸ் ஒரு பக்கம், ஆப்பிள் ஒரு பக்கம் முழுதாய் கல்லா கட்டினாலும் லினக்ஸ் மட்டும் எழுந்திருப்பதாய் தெரியவில்லை. லினக்ஸ் பெரிதாய் வரமுடியாததற்கு காரணம் அதை சார்ந்து சாப்ட்வேர் தயாரிப்பதற்கு முன்னனி நிறுவனங்கள் காட்டிய தயக்கமே எனலாம். இணையத்தின் விஸ்வருப வளர்ச்சி, இனைய மொழிகளுக்கான தேவைகள், அதனால் தோன்றிய புற்றீசல் போலான செர்வர் மொழிகள் அனைத்துக்கும் லினக்ஸ் தேவையாய் இருந்தது. அதோடு அங்கே நின்று போனது.

பல்லாண்டு கால ஆராய்ச்சி பலனாய் கண்டுபிடிக்கப்பட்ட டச் போன் ஆப்பிள் போன்களுக்கு மட்டுமே என்றும், அதனுடைய சோர்ஸ்கோட் அனைத்தும் க்லோஸ்டு சோர்ஸாகவே இருக்கும் என்ற அறிவிப்பு மற்ற தொலைபேசி கம்பெனிகளின் வயிற்றில் புளியை கறைக்க, அங்கே ஒரு நம்பிக்கை ஒளி கூகுளால் உருவானது. இதில் வியாபார நோக்கம் இருந்தாலும், தொலை நோக்கு சிந்தனையில் அது அடிபட்டுபோகிறது. மொபைல் ஆப்பரேட்டிங் சிஸ்டம் கட்டமைப்பிற்கான ஒரு குழு கூகுளால் உருவாக்கப்பட்டது, ஆண்டிராய்டு நிறுவனத்தை ஏற்கனவே கூகுள் வாங்கியதால் அதன் தலைவர் ஆண்டி ரூபின் தலைமையில் ஆண்டிராய்டு OS ஐ தயாரிக்கும் வேலைகள் முழு மூச்சில் தொடங்கி இன்று இந்தளவுக்கு நிற்கிறது.

பத்து வருடங்களுக்கு ஒரு முறை ஏதோ ஒரு கண்டுபிடிப்பு விஸ்பரூப வளர்ச்சி எடுத்து அனைவரையும் அன்னாந்து பார்க்க வைக்கிறது. இம்முறை மொபைல் கம்பியூட்டிங். டெஸ்க்டாப் விஷயங்களில் இல்லாத ஒன்று பெரிதாக ஒன்றும் இதில் இல்லை ஒன்றை தவிர. அது டச் கெஸ்சர்!!! அதுவும் மல்டி டச் பின்ச் உடன். கைப்பேசி என்பது ஸ்மார்ட் போன் ஆகி இப்போது பேப்லெட்டில் வந்து நிற்கிறது.  ஆனந்த விகடனில் ஹாய் மதனில் ஒரு வாசகரின் கேள்விக்கு மதன் இப்படி பதில் அளித்திருந்தார். ' என்னதான் கம்பியூட்டரில் புத்தகம் வாசிக்க முடிந்தாலும், படுத்து கொண்டு புத்தகத்தை வாசிக்கும் வசதி அதில் இல்லையே என்று சொல்லியிருந்தார். இப்போது அதே பத்திரிக்கை அப்ளிகேஷன் வடிவில் டேப்ளட்டுகளில் படுத்து கொண்டு படிக்க முடிகிறது என்றால், மொபைல் கம்யூட்டிங் எந்த அளவுக்கு வளர்ந்திருக்கிறது என்று உணர முடிகிறதா?

எனக்கு ஒரு பலமான சந்தேகம் இடையில் ஏற்பட்டது, டெஸ்க்டாப் கம்பியூட்டர்களுக்கான அப்ளிகேஷன்கள் தயாரிப்பு என்பது Cloud கம்பியூட்டிங் மூலமாக காலவாதியாக இருக்கும் நிலையில், க்ரோமியம் OS என்ற  Browser அடிப்படையில் இயங்கும் நோட்பேட்கள் சந்தையில் புதிதாய் அறிமுகப்படுத்தும் காலகட்டத்தில், மீண்டும் அப்ளிகேஷன் டெவலப்மெண்ட் என்பது? லாஜிக் எங்கோ உதைக்கிறதே என்று ஒரு ஐயம் ஏற்பட்டது. அதற்கான விளக்கம் ஒரு நண்பர் மூலமாக உடனடியாக கிடைத்தது. அப்ளிகேஷன்கள் லட்சக்கணக்கில் இருக்க காரணம் மொபைலிட்டி என்பது ஒரு முக்கிய காரணமாக இருந்தாலும், நவீன கால கட்டத்தில் வியாபார நிறுவனங்கள் தங்களுடைய சேவைகளை அப்ளிகேஷன்கள் மூலமாக வாடிக்கையாளர்களுக்கு வழங்க தொடங்கியிருக்கிறது, அதோடு மட்டுமின்றி Field work செய்யும் அத்துனை நிறுவனங்களும் தங்கள் கம்பெனியின் அப்ளிகேஷன்கள் மூலமாக இன்று பேப்பரை ஒழித்திருப்பதில் பொபைல் அப்ளிகேஷன்களுக்கு முக்கிய பங்கு உண்டு.

சரி ஒரு வழியாக ஆண்டிராய்டு அசுர வளர்ச்சி அடைந்துவிட்டது ஆனால் அதன் மூலம் ஹார்டுவேர் கம்பெனிகள் லாபம் அடைந்ததா என்றால், சொல்லவே தேவையில்லை கொள்ளை லாபம் பார்க்க தொடங்கிவிட்டார்கள். எப்படி இது சாத்தியம். ஆண்டிராய்டு ஸ்டாக் ரன் செய்வதற்கு இதுதான் ஹார்டுவேர் தேவை என்று கூகுளால் குறிப்பிட்டு சொல்லப்படவில்லை. மினிமம் ஹார்டுவேர் தேவைகளுடன் ஆண்டிராய்டின் பழைய வெர்ஷன்கள் இன்றும் ரன் ஆகி கொண்டிருக்கிறது. சைனாவின் மீடியா டெக் நிறுவனத்தின் RTOS கொண்டு இயங்கும் செல்போன்கள் இப்போது அவர்களின் லேட்டஸ்ட் MT6589 சிப் செட் மூலம் ஆண்டிராய்டின் லேட்டஸ்ட வெர்ஷனை லோட் செய்ய ஆரம்பித்திருப்பது அதிநவீன தொழில் நட்ப சேவைகளை வழங்கும் ஆண்டிராய்டு ஜெல்லிபீனை சாமானியர்களும் தொட்டு அனுபவிக்கும் வாய்ப்பை வழங்கியிருக்கிறது. 10,000 க்கு இனி நீங்கள் Quad core processor, 8 MP camera, 5 இன்ச் திரை, மல்டி டச், பின்ச் , வீடியோ கான்பிரன்சிங், லட்சத்திற்கும் மேற்பட்ட அப்ளிகேஷன்கள் அனுபவிக்கும் வாய்ப்பு உங்கள் வசமாகிறது என்றால் இது யாருடைய சாதனை? சந்தேகமே இல்லாமல் ஆண்டிராய்டால்தான்.

இன்றைய தேதியில் ஆண்டிராய்டின் ஆண்டி ரூபினுக்கு பதிலாக Chromium OS ஐ பார்த்துகொண்டிருந்த சுந்தர் பிச்சை ஆண்டிராய்டு தலைவர் பொறுப்பை கூடுதலாக பார்க்க தொடங்கியிருக்கிறார், இது குரோமியம் OS ஐ ஆண்டிராய்டுடன் இனைக்கும் புது முயற்சி என்று எல்லாராலும் நம்ப ப்படுகிறது. விளைவுகள் எப்படி இருக்கும்? ஆண்டிராய்டு அப்ளிகேஷன்கள் இனி குரோம்புக்கில் ரன் ஆகும். குரோம்புக்கின் இயங்குதளமாக, டெஸ்க்டாப் கம்பியூட்டர்களின் இயங்குதளமாக இனி ஆண்டிராய்டு இருக்கும். எப்படி வின்டோஸ் 8 மொபலைலிலும், டெக்ஸ்டாப் கம்யூட்டர்களிலும் ரன் ஆகிறோதோ அப்படி. ஆண்டிராய்டு இயங்குதளம் இனி மொபைல் கம்பியூட்டிங்கிலிருந்து டெஸ்க்டாப் மற்றும் க்ளொல் கம்பியூட்டிங்கிற்கும் அதனுடைய வேர்களை பரவ விட்டிருக்கிறது. இது என்ன மாதியான புரட்சி
ஏற்படுத்தும் என்று பொறுத்திருந்துதான் பார்க்கவேண்டும்.

Tech Tamil - 21

Sunday, December 2, 2012  at 12:58 AM;
டெக்னாலஜி போஸ்ட் எழுதி பல நாட்கள் ஆகிறது. முன்பு போல் சோஷியல் நெட்வொர்க்கில் வரும் அப்டேட்ஸ்களை படிக்க முடிவதில்லை. ஆனாலும் அவ்வப்போது வரும் சில டெக்னாலஜி அப்டேட்ஸ், அதை பற்றி எழுதுவதற்கு ஆர்வமூட்டுகிறது.
Windows 8 : சரியான நேரத்தில் களமிறக்கப்பட்டிருக்கும் வின்டோஸின் OS. டெக்ஸ்டாப் தாண்டி அல்ட்ராபுக், டேப்லெட் மற்றும் செல்லில் தன் முத்திரையை வின்டோஸ் பதிக்கவில்லையெனில், இன்றைய டிரெண்டில் அது கார்ப்பரெட் காலரோடு மட்டும்தான் நிற்கவேண்டும். தன்னுடைய Visual Studio 12 இன் Express edition ஐ டெவலப்பர்களுக்காக அது இலவசமாக வழங்கியுள்ளது என்பது ஆச்சரியமான உண்மை மற்றும் சந்தையில் தன்னுடைய அப்ளிகேஷன்களை விரிவுபடுத்தும் அவசியம் அதற்கு உள்ளது. 
ARM கூட்டணியோடு Windows 8 RT மற்றும் இண்டெல் கூட்டணியோடு Windows 8 என்பதோடு நில்லாம் தானே டெப்லட்டுகளை தயாரிக்கும் பணியில் மைக்ரோசாப்ட் இறங்கியுள்ளது. 
HTML5: அடோப் Flash க்கு ஒரு ஸ்டீவ் ஜாப்ஸ் போல் HTML5 க்கு ஜைகம்பர்க். HTML5 கொண்டு உருவாக்கபட்ட பேஸ்புக் மொபைல் அப்ளிகேஷகள் காலை வாரிவிட கடைசியாக எல்லா பழியையும் அதன் மீது போட்டுவிட்டு எஸ்கேப் ஆகிவிட்டார் ஜைகம்பர்க். ஹைபிரிட் அப்ளிகேஷகள் எப்பொழுதும் நேட்டிவ் அப்ளிகேஷன் போல் இருக்காது என்பது அவர்களுடைய ஆப்பிள் ஐபோன் 4S ஆப்ஸ் மூலமே தெரிய வர, அதை ஓரங்கட்ட தொடங்கியது பேஸ்புக். HTML5 வை வைத்து காசை அள்ள நினைத்த சென்சாவுக்கு பெரிய ஏமாற்றம். 
Scala : க்ளோனிங் புராடக்டில் நிபுணத்துவம் பெற்ற சென்னையின் புகழ்பெற்ற கம்பெனி PHP யிலிருந்து Scala வுக்கு மாறியுள்ளது. JVM ஐ மையமாக கொண்டு எழுதப்பட்ட ஒரு மொழி ஸ்கேலா. JVM மொழிகள் சமீப காலமாக நல்ல முன்னேற்றம் அடைந்துள்ளது. அதில் ஸ்கேலா முக்கியமானது. கம்பைல்டு என்றுமே சேப்டிதான் ஆனால் அடைவிட 10 மடங்கு அதிவேக இண்டர்பெரேட்டர் PHP யே பெட்டர் என தோன்றுகிறது.
இன்னும் நிறைய எழுத ஆசை ஆனால் தூக்கம் வருகிறது. மீண்டும் சந்திப்போம்



காட்டுமன்னார்கோயில் டைரக்டரி

Monday, November 5, 2012  at 1:52 PM;

எம். எஸ். உதயமூர்த்தி அவர்களின் மக்கள் சக்தி இயக்கம் காட்டுமன்னார்கோயிலில் தொடங்கப்பட்ட போது நமது ஊரில் உள்ள தொழில் நிறுவனங்கள் மற்றும் அத்தியாவாசிய தொலைபேசி எண்கள் அடங்கிய கையடக்க டைரக்ரி உருவாக்கப்பட்டு சகாய விலையில் அனைவருக்கும் வினியோகிக்கப்பட்டது. அப்பொழுது அது பலத்த ஆதரவை பெற்றது என்றே சொல்லலாம். அதைபோன்று மீண்டும் உருவாக்க நீண்ட நாட்களாக எனக்கு ஆசை. இம்முறை காட்டுமன்னார்கோயில் உள்ள Skynet cafe உரிமையாளர் நண்பர் ஹசனிடம் பேசியபோது அவரும் இதற்கு ஆதரவு அளிப்பதாக கூறினார். இருவரும் கலந்தாலோசித்து இதற்கான தொடக்க வேலைகளில் இறங்கினோம். முதலில் தொழில் நிறுவனங்களின் பிரிவுகள் மற்றும் தனிநபர் தொழில் பிரிவுகள் என அனைத்தையும் அலசி ஆராய்ந்து ஒரு டிராப்ட் தயார் செய்திருக்கிறோம். 

அடுத்தபடியாக தொழில் நிறுவனங்களின் முகவரி, தொலைபேசி எண்கள் சேகரித்தல் பணியில் எத்தனை பேரை அமர்த்தலாம் என்பது பற்றி முடிவு செய்து, அவர்களை களம் இறக்கினால் பாதி வேலை முடிந்துவிடும். அடுத்தபடியாக புத்தகத்தை பிரிண்ட செய்யும் பணியையும் அதை ஆண்லைனில் ஏற்றும் பணியையும் நானே செய்கிறேன். இதற்கான ஆகும் செலவை நானே ஏற்பதாக உறுதி அளித்திருக்கிறேன். 

உங்களின் ஆலோசனைகளை எனக்கு கமெண்ட்ஸ் மூலமாக தெரிவிக்கலாம்.